วันอาทิตย์ที่ 3 มีนาคม พ.ศ. 2556

ສະຫວັນນະເຂດ

ປະຊາຊົນລາວໃນ 7 ເມືອງຈາກທັງໝົດ 15 ເມືອງຂອງແຂວງ
ສະຫວັນນະເຂດ ຍັງມີສະພາບຊີວິດການເປັນຢູ່ທີ່ຍາກຈົນທີ່ສຸດ
ເຖິງແມ່ນວ່າເສດຖະກິດພາຍໃນແຂວງຈະຂະຫຍາຍຕົວເພີ່ມ
ຂຶ້ນ ທຸກໆປີກໍຕາມ.

ຄະນະຊີ້ນໍາການພັດທະນາຊົນນະບົດແລະລົບລ້າງຄວາມທຸກ
ຍາກແຫ່ງຊາດລາວ ລາຍງານວ່າແຂວງສະຫວັນນະເຂດນັບ
ເປັນແຂວງນຶ່ງທີ່ຍັງມີອັດຕາຄວາມທຸກຍາກ ຂອງປະຊາຊົນ
ໃນລະດັບສູງທີ່ສຸດໃນລາວ ຊຶ່ງຈາກການສໍາຫຼວດຄັ້ງຫລ້າສຸດ
ພົບວ່າ ຍັງມີປະຊາຊົນລາວຈໍານວນເຖິງ 28,807 ຄອບຄົວ
ໃນເຂດ 7 ເມືອງຈາກທັງໝົດ 15 ເມືອງຂອງແຂວງສະຫວັນ
ນະເຂດ ທີ່ມີສະພາບຊີວິດການເປັນຢູ່ທີ່ຍາກຈົນທີ່ສຸດ ຫຼືຄິດ
ເປັນກວ່າ 20% ຂອງຈໍານວນຄອບຄົວທັງໝົດໃນແຂວງ
ສະຫວັນນະເຂດ.

ທັງນີ້ ເຖິງແມ່ນວ່າແຂວງສະຫວັນນະເຂດຈະນັບເປັນແຂວງນຶ່ງທີ່ມີການຂະຫຍາຍຕົວທາງເສດຖະກິດທີ່ສູງກວ່າ 10% ໃນຕະຫຼອດໄລຍະ 5 ປີທີ່ຜ່ານມາ ແລະກໍຍັງຈະຂະຫຍາຍຕົວເພີ່ມຂຶ້ນໃນອັດຕາສະເລ່ຍ 11-12% ຕໍ່ໄປຈົນເຖິງປີ 2015 ກໍຕາມ. ຫາກແຕ່ວ່າດ້ວຍເຫດທີ່ການຂະຫຍາຍຕົວທາງເສດຖະກິດດັ່ງກ່າວ ຍັງມີການລວມສູນຢູ່ໃນເຂດຕົວເມືອງເປັນສ່ວນໃຫຍ່ ຈຶ່ງເຮັດໃຫ້ເກີດບັນຫາແຕກ ໂຕນກັນໃນລະດັບລາຍໄດ້ລະຫວ່າງປະຊາຊົນໃນເຂດຕົວເມືອງກັບໃນເຂດຊົນນະ ບົດຫຼາຍຂຶ້ນນັບມື້.

ຊຶ່ງກໍຄືໃນຂະນະທີ່ປະຊາຊົນລາວໃນເຂດເມືອງພິນ ເມືອງເຊໂນ ເມືອງພະລານ ໄຊ ເມືອງວີລະບຸລີ ເມືອງອາດສະພອນ ເມືອງນອງ ແລະເມືອງຊົນບຸລີ ຍັງມີ ລາຍໄດ້ສະເລ່ຍຕໍ່າກວ່າ 5.2 ລ້ານກີບຕໍ່ຄົນຕໍ່ປີນັ້ນ ກໍປາກົດວ່າປະຊາຊົນລາວຢູ່ ໃນຕົວເມືອງໃຫຍ່ ເຊັ່ນ ເມືອງໄກສອນ ພົມວິຫານ ເມືອງຄັນທະບຸລີ ນັ້ນ ກັບມີ ລາຍໄດ້ສະເລ່ຍເກືອບເຖິງ 10 ລ້ານກີບຕໍ່ຄົນຕໍ່ປີ ດັ່ງທີ່ເຈົ້າໜ້າທີ່ຂັ້ນສູງຂອງ ເມືອງໄກສອນ ໄດ້ໃຫ້ການຊີ້ແຈງວ່າ:

ພາບຈໍາລອງຂອງເຂດເສດຖະກິດພິເສດ ສະຫວັນ-ເຊໂນ

“ຜ່ານມາລວມຍອດຜະລິດຕະພັນພາຍໃນພວກເຮົານັ້ນ ແມ່ນ 1,152 ຕື້ ກັບ 4 ລ້ານກວ່າກີບ ສະເລ່ຍຕໍ່ຫົວຄົນຜູ້ນຶ່ງນີ້ກະໄດ້ 9,408,880 ກີບເທົ່າກັບ 1,176 ໂດລາຕໍ່ຄົນ.”

ທາງດ້ານທ່ານສຸພັນ ແກ້ວມີໄຊ ເຈົ້າແຂວງແລະເລຂາພັກແຂວງສະຫວັນນະເຂດ ກໍໄດ້ຖະແຫຼງຢືນຢັນວ່າ ເສດຖະກິດຂອງແຂວງໄດ້ມີການຂຫຍາຍຕົວເພີ່ມຂຶ້ນຢ່າງຕໍ່ເນື່ອງໃນຕະຫຼອດໄລຍະ 5 ປີທີ່ຜ່ານມາ ຊຶ່ງກໍໄດ້ເປັນຜົນເຮັດໃຫ້ຍອດຜະລິດ ຕະພັນລວມ (GDP) ຂອງແຂວງສະຫວັນນະເຂດໃນແຜນການປີ 2011-2012 ທີ່ຜ່ານມາມີມູນຄ່າລວມທີ່ຄິດສະເລ່ຍເປັນລາຍຮັບຂອງປະຊາຊົນໃນແຂວງໄດ້ເກີນກວ່າ 1,000 ໂດລາຕໍ່ຄົນຕໍ່ປີ.

ພ້ອມກັນນີ້ ທ່ານສຸພັນ ກໍຍັງໄດ້ສະແດງຄວາມເຊື່ອໝັ້ນດ້ວຍວ່າ ເສດຖະກິດຂອງ ແຂວງສະຫວັນນະເຂດຈະຂະຫຍາຍຕົວໃນອັດຕາສະເລ່ຍລະຫວ່າງ 11-12% ຕໍ່ປີ ນັບຈາກປັດຈຸບັນໄປຈົນເຖິງປີ 2015 ຊຶ່ງກໍຈະເປັນຜົນເຮັດໃຫ້ລາຍໄດ້ສະເລ່ຍຂອງປະຊາຊົນລາວ
ໃນແຂວງເພີ່ມຂຶ້ນເປັນ 1,705 ຕໍ່ຄົນ ພາຍໃນປີ 2015 ຫຼືວ່າເພີ່ມຂຶ້ນຈາກປີ 2005 ຄິດເປັນສັດສ່ວນທີ່ສູງເກີນກວ່າ 3 ເທົ່າຕົວອີກດ້ວຍ.

ການເຊັນສັນຍາລະຫວ່າງຄະນະບໍລິຫານເສດຖະກິດພິເສດ ສະຫວັນ-ເຊໂນ ແລະບໍລິສັດເອກະຊົນລາວ

ຊຶ່ງດ້ວຍສະພາບການດັ່ງກ່າວນີ້ ກໍຍັງໄດ້ເປັນຜົນເຮັດໃຫ້ອັດຕາສະເລ່ຍຄວາມຍາກຈົນຂອງປະຊາຊົນໃນແຂວງຫລຸດລົງຢ່າງຕັ້ງໜ້າອີກດ້ວຍ. ຈາກການສໍາ ຫຼວດກໍພົບວ່າຈໍານວນປະຊາຊົນທີ່ຍາກຈົນໃນແຂວງໄດ້ລົດລົງຈາກ 37,282 ຄອບຄົວໃນປີ 2005 ມາເປັນ 28,807 ຄອບຄົວໃນປີ 2015 ແລະກໍຈະລົດລົງ ເຫຼືອຢູ່ບໍ່ເກີນ 5,513 ຄອບຄົວໃນປີ 2015.

ຍິ່ງໄປກວ່ານັ້ນ ທາງການແຂວງສະຫວັນນະເຂດຍັງໄດ້ຄາດຫວັງດ້ວຍວ່າເຂດເສດຖະ ກິດພິເສດສະຫວັນເຊໂນ ຈະມີສ່ວນຢ່າງສໍາຄັນໃນການຊ່ວຍລົບລ້າງບັນຫາຄວາມຍາກ ຈົນດັ່ງກ່າວ ທັງນີ້ກໍດ້ວຍການດຶງດູດເອົການລົງທຶນຈາກຕ່າງ ປະເທດເຂົ້າມາໃນເຂດເສດ ຖະກິດພິເສດໃຫ້ຫຼາຍຂຶ້ນນັບມື້.

ທາງດ້ານທ່ານ ບົວຄໍາ ສີສຸລາດ ຜູ້ວ່າການເຂດເສດຖະກິດພິເສດສະຫວັນ-ເຊໂນ ກໍໄດ້ ໃຫ້ການຢືນຢັນວ່າຈົນເຖິງປັດຈຸບັນນີ້ ມີບໍລິສັດຕ່າງຊາດທີ່ໄດ້ຮັບອະນຸຍາດໃຫ້ລົງທຶນໃນ ເຂດເສດຖະກິດພິເສດແລ້ວຫຼາຍກວ່າ 20 ບໍລິສັດ ແລະຍັງຈະມີບໍລິສັດຕ່າງຊາດອີກ ຫຼາຍກວ່າ 40 ລາຍ ທີ່ຈະເຂົ້າມາລົງທຶນຢູ່ໃນເຂດເສດຖະກິດພິເສດສະຫວັນ-ເຊໂນ ພາຍໃນທ້າຍປີ 2012 ນີ້.
ບໍ່ຄໍາ ໃນເຂດເມືອງ ເຊໂປນ ເມືອງ ວິລະບູລີ ແຂວງ ສະຫວັນນະເຂດ ຂອງລາວ ຈະໝົດລົງ ໃນປີ 2013 ຍ້ອນແນວນັ້ນ ຈຶ່ງຈະເຮັດໃຫ້ ຈໍານວນ ຜົນຜລິດຄໍາ ໃນປີນີ້ ຫລຸດໜ້ອຍລົງ ແຕ່ໃນຂນະ ດຽວກັນ ບໍ່ຄໍາທີ່ ບໍຣິສັດຈີນ ສໍາປະທານ ແຫ່ງນີ້ ຜລິດທອງແດງ ໄດ້ຫລາຍຂຶ້ນ ອັນຈະເຮັດໃຫ້ ຣັຖບານລາວ ໄດ້ຮັບຜົນ ຕອບແທນ ໃນຮູບແບບຕ່າງໆ ເພີ່ມຂຶ້ນເປັນ ປະມານ 205 ລ້ານ ໂດລາ ສະຫະຣັດ ຄືເປັນຈໍານວນ ຫຼາຍທີ່ສຸດ ເທົ່າທີ່ເຄີຍ ໄດ້ຮັບ.

ສື່ມວນຊົນ ທາງການລາວ ວ່ານັບຕັ້ງແຕ່ ເລີ່ມມີການ ຜລິດ ແລະ ສົ່ງອອກ ເງິນຈໍານວນ ທີ່ວ່ານັ້ນ ເຮັດໃຫ້ ຣັຖບານ ລາວ ມີຣາຍໄດ້ ຈາກບໍ່ຄໍາແຫ່ງນີ້ ທັງໝົດ 800 ກວ່າລ້ານ ໂດລາ. ໃນປີ 2011 ບໍ່ຄໍາ ເຊໂປນ ຜລິດຄໍາໄດ້ 2 ຕັນ ກວ່າໆ ຄືຜລິດໄດ້ ຕາມເປົ້າໝາຍ. ແຕ່ປີ 2012 ນີ້ ຄາດວ່າ ຈະຫລຸດລົງ ແລະຈະໝົດ ໄປໃນປີ 2013. ຕາມຣາຍງາຍ ຂອງຜູ້ຈັດການ ອອນລາຍ ໃນວັນທີ 4 ມິນາ ນີ້.

ໃນປີ 2011 ບໍ່ຄໍາ ເຊໂປນ ຜລິດທອງແດງ ແຜ່ນ ໄດ້ທັງໝົດ ເກືອບເຖິງ 79,000 ຕັນ ຄືເພີ່ມຂຶ້ນ ຈາກປີ 2010 23% ຍ້ອນມີການ ຂາຍ ໂຮງງານຜລິດ. ສ່ວນປີນີ້ ຕາມແຜນການ ຂອງກຸ່ມ ແອັມແອັມຈີ ຊຶ່ງ ເປັນ ບໍຣິສັດ ແມ່ຂອງບໍຣິສັດ LXML ນັ້ນ ຄາດວ່າ ຈະຜລິດໄດ້ ເຖິງ 80,000 ຕັນ. ພ້ອມກັນນັ້ນ ບໍຣິສັດ ກໍກໍາລັງ ສໍາຫລວດ ພື້ນທີ່ ສໍາປະທານ ເພິ່ມຕື່ມອີກ ເພື່ອຄົ້ນຫາ ບໍ່ແຮ່ຕໍ່ໄປ ຊຶ່ງອາດຈະຊ່ວຍ ໃຫ້ສາມາດ ເພີ່ມຜົນຜລິດ ໄດ້ຕື່ມອີກ ໃນອະນາຄົດ.(ເງຶນທັ້ງຫລາຍຮັດເອົາໄປໃສ່ຫມົດ?ຄົນທຳດາຢ່າງຂ້ອຍຈະໄດ້ຫຍັງ?)
ໃນປີ 2010 ສປປ ລາວ ມີ 16 ແຂວງ, ນະຄອນຫລວງ 1ແຫ່ງແລະ 140 ເມືອງ (ເມືອງທີ່ໄດ້ຮັບການ ສ້າງຕັ້ງຂື້ນຫລ່າສຸດ ແມ່ນ ເມືອງ ມື່ນ ແຍກອອກຈາກ ເມືອງ ເຟືອງ, ແຂວງ ວຽງຈັນ ໃນປີ 2009)

ສປປ ລາວ ມີ 16 ແຂວງ, 1 ນະຄອນຫລວງ ແລະ 140 ເມືອງ
1. ນະຄອນຫລວງ ວຽງຈັນ ມີ 9 ເມືອງ: ຈັນທະບູລີ, ສີໂຄດຕະບອງ, ໄຊເສດຖາ, ສີສັດຕະນາກ, ນາຊາຍທອງ,ໄຊທານີ, ຫາດຊາຍຟອງ, ສັງທອງ ແລະ ປາກງື່ມ

2. ແຂວງ ຜົງສາລີ ມີ 7 ເມືອງ: ຜົງສາລີ, ເມືອງໃໝ່, ຂວາ, ສໍາພັນ, ບູນເໜືອ, ຍອດອູ, ບູນໄຕ້

3. ແຂວງ ຫລວງນ້ໍາທາ ມີ 5 ເມືອງ: ຫລວງນ້ໍາທາ, ສີງ, ລອງ, ວຽງພູຄາ, ນາແລ,

4. ແຂວງ ອຸດົມໄຊ ມີ 7 ເມືອງ: ໄຊ, ຫລາ, ນາໝໍ້, ງາ, ແບງ, ຮູນ, ປາກແບ່ງ

5. ແຂວງ ບໍ່ແກ້ວ ມີ 5 ເມືອງ: ຫວ້າຍຊາຍ, ຕົ້ນເຜີ້ງ, ເມີງ, ຜາອຸດົມ, ປາກທາ

6. ແຂວງ ຫລວງພະບາງ ມີ 11 ເມືອງ: ຫລວງພະບາງ, ຊຽງເງີນ, ນານ, ປາກອູ, ນ້ໍາບາກ, ງອຍ, ປາກແຊງ, ໂພນໄຊ, ຈອນເພັດ,ວຽງຄໍາ, ພູຄູນ

7. ແຂວງ ຫົວພັນ ມີ 8 ເມືອງ: ຊໍາເໝືອ, ຊຽງຄໍ້, ວຽງທອງ, ວຽງໄຊ, ຫົວເມືອງ, ຊໍາໃຕ້, ສົບເບົາ, ແອດ

8. ແຂວງ ໄຊຍະບູລີ ມີ 10 ເມືອງ: ໄຊຍະບູລີ, ຄອບ, ຫົງສາ, ເງີນ, ຊຽງຮອນ, ພຽງ, ປາກລາຍ, ແກ່ນທ້າວ, ບໍ່ແຕນ, ທົ່ງນາມີ

9. ແຂວງ ຊຽງຂວາງ ມີ 8 ເມືອງ: ແປກ, ຄໍາ, ໜອງແຮດ, ຄູນ, ໝອກ, ພູກູດ, ຜາໄຊ, ທ່າໂທມ

10.ແຂວງ ວຽງຈັນ ມີ 13 ເມືອງ: ໂພນໂຮງ, ທຸລະຄົມ, ແກ້ວອຸດົມ, ກາສີ, ວັງວຽງ, ເຟືອງ, ຊະນະຄາມ, ແມດ, ວຽງຄໍາ, ຫີນເຫີບ,ໄຊສົມບູນ, ມື່ນ, ຮົມ

11.ແຂວງ ບໍລິຄໍາໄຊ ມີ 6 ເມືອງ: ປາກຊັນ, ທ່າພະບາດ, ປາກກະດີງ, ບໍລິຄັນ, ຄໍາເກີດ, ວຽງທອງ

12. ແຂວງ ຄໍາມ່ວນ ມີ 9 ເມືອງ: ທ່າແຂກ, ມະຫາໄຊ, ໜອງບົກ, ຫີນບູນ, ຍົມມະລາດ, ບົວລະພາ, ນາກາຍ, ເຊບັ້ງໄຟ, ໄຊບົວທອງ

13. ແຂວງ ສະຫວັນນະເຂດ ມີ 15 ເມືອງ: ໄກສອນ ພົມວິຫານ, ອຸທຸມພອນ, ອາດສະພັນທອງ, ພີນ, ເຊໂປນ, ນອງ, ທ່າປານທອງ, ສອງຄອນ,ຈໍາພອນ, ຊົນບູລີ, ໄຊບູລີ, ວີລະບູລີ, ອາດສະພານທອງ, ໄຊພູທອງ, ພະລານໄຊ

14. ແຂວງ ສາລະວັນ ມີ 8 ເມືອງ: ສະລະວັນ, ຕາໂອ້ຍ, ຕຸ້ມລານ, ລະຄອນເພັງ, ວາປີ, ຄົງເຊໂດນ, ເລົ່າງາມ, ສະໝ້ວຍ

15. ແຂວງ ເຊກອງ ມີ 4 ເມືອງ: ລະມາມ, ກະລືມ, ດາກຈືງ, ທ່າແຕງ

16. ແຂວງ ຈໍາປາສັກ ມີ 10 ເມືອງ: ປາກເຊ, ຊະນະສົມບູນ, ບາຈຽງຈະເລີນສຸກ, ປາກຊ່ອງ, ປະທຸມພອນ, ໂພນທອງ, ຈໍາປາສັກ, ສຸຂຸມາ,ມູນລະປະໂມກ, ໂຂງ

17. ແຂວງ ອັດຕະປື ມີ 5 ເມືອງ: ໄຊເສດຖາ, ສາມັກຄີໄຊ, ສະໜານໄຊ, ຊານໄຊ, ພູວົງ

ໃນປີ 2007 ສປປ ລາວ ປະກອບດ້ວຍ 16 ແຂວງ ແລະ ນະຄອນຫລວງໜຶ່ງແຫ່ງ. ແຕ່ລະ ແຂວງໄດ້ແບ່ງອອກເປັນເມືອງໂດຍມີເມືອງທັງໝົດ 139 ເມືອງ. ຄວນເຂົ້າໃຈວ່າໃນເວລານັ້ນ ຍັງມີ ເຂດໜຶ່ງເພີ້ມເຕີມ ທີ່ເອີ້ນກັນວ່າ “ເຂດພິເສດໄຊສົມບູນ” ໄດ້ສ້າງຕັ້ງຂື້ນໃນປີ 1994 ໂດຍປະກອບມີ 5 ເມືອງ ແລະ ຕັ້ງຢູ່ລະຫວ່າງແຂວງວຽງຈັນ ແລະ ແຂວງຊຽງຂວາງ. ເຖິງຢ່າງໃດກໍ່ຕາມ, ໃນທ້າຍປີ 2005, ເຂດພິເສດນີ້ໄດ້ຖືກລຶບລ້າງ ແລະ ເມືອງ 5 ເມືອງ. ກໍ່ໄດ້ຖືກນໍາໄປຮວມເຂົ້າກັບແຂວງເດີມຂອງຕົນ. ເມືອງລ່ອງຊານ, ໄຊສົມບູນ, ພູນ ແລະ ເມືອງຮົ່ມໄດ້ກາຍເປັນພາກສ່ວນໜຶ່ງຂອງແຂວງວຽງຈັນ ແລະ ສ່ວນເມືອງທ່າໂທມກໍ່ກາຍເປັນສ່ວນ ໜຶ່ງຂອງແຂວງຊຽງຂວາງ.
ກ່ອນສະຖານະພາບທາງທີ່ຕັ້ງທີ່ໄດ້ສະແດງຢູ່ໃນແຜນທີ່ນີ້, ນັບຕັ້ງແຕ່ປີ 1995 ຈໍານວນເມືອງໄດ້ມີການປ່ຽນແປງຢ່າງຫຼວງຫຼາຍ. ການສໍາຫລວດພົນລະເມືອງ ແລະ ທີ່ຢູ່ອາໃສໃນປີ 1995 ໄດ້ແຈ້ງໃຫ້ຮູ້ວ່າມີເມືອງທັງໝົດ 133 ເມືອງ ແຕ່ຕົກມາຮອດປີ 2005 ຈໍານວນດັ່ງກ່າວນັ້ນໄດ້ມີການເພີ່ມຂື້ນເປັນ 141 ເມືອງຍ້ອນການເພີ່ມຂອງ 8 ເມືອງໃຫມ່. ໃນເຂດເໜືອສອງເມືອງໃໝ່ (ເມືອງແອດ ແລະ ສົບເບົາ) ກໍ່ໄດ້ຮັບ ການສ້າງຕັ້ງຂຶ້ນໃນແຂວງຫົວພັນ ແລະ ໜຶ່ງເມືອງ (ທົ່ງມີໄຊ) ກໍ່ໄດ້ຮັບການສ້າງຕັ້ງຂຶ້ນໃນແຂວງໄຊຍະບູລີ. ຢູ່ແຂວງວຽງຈັນໄດ້ມີເມືອງເພີ້ມຂື້ນອີກສາມເມືອງ (ເມືອງແມດ, ຫິນເຫີບ ແລະ ແກ້ວອຸດົມ). ສຸດທ້າຍຢູ່ແຂວງສະຫວັນນະເຂດມີສອງເມືອງ (ເມືອງໄຊພູທອງ ແລະ ພະລານໄຊ) ໄດ້ຮັບການສ້າງຕັ້ງຂື້ນ. ໃນປີ 2006, ຈໍານວນເມືອງໄດ້ຫລຸດລົງເປັນ 139 ເມືອງ; ເມືອງພູນແມ່ນລວມເຂົ້າກັບເມືອງໄຊສົມບູນ ແລະ ເມືອງລ່ອງຊານ ແມ່ນລວມເຂົ້າກັບເມືອງຮົ່ມ. ຄວນຈະມີການສັງເກດເຊັ່ນກັນວ່າໃນປີ 2008 ນັ້ນໄດ້ ເກີດມີໜຶ່ງເມືອງໃຫມ່. ກົມພູມສາດແຫ່ງຊາດ (NGD) ໄດ້ປະກາດ ແລະ ກໍານົດເຂດແດນໃໝ່ສໍາລັບເມືອງທັງໝົດ ແຕ່ເຖິງແນວໃດກໍ່ຕາມປື້ມແຜນທີ່ນີ້ຍັງໄດ້ສະແດງໃຫ້ເຫັນເຖິງການແບ່ງເຂດການປົກຄອງໃນປີ 2007.

วันเสาร์ที่ 2 มีนาคม พ.ศ. 2556

ສັງຄົມລາວ

ສັງຄົມລາວ ປະເຊີນກັບ ບັນຫາຄອບຄົວ ແຕກແຍກກັນ ຫລາຍຂຶ້ນ

ສັງຄົມລາວກໍາລັງປະເຊີນກັບບັນຫາຄອບຄົວແຕກແຍກແລະ

ການລ່ວງລະເມີດທາງເພດຫຼາຍຂຶ້ນນັບມື້ ໂດຍສະເພາະແມ່ນ

ການຂົ່ມຂືນເຍົາວະຊົນນັ້ນ ຖືເປັນບັນຫາທີ່ຮຸນແຮງຂຶ້ນໄປ ເລື້ອຍໆ.

ທາງການກົມຄຸ້ມຄອງລະບົບຍຸຕິທໍາໃນສັງກັດກະຊວງຍຸຕິທໍາຂອງ

ລາວລາຍງານວ່າ ໃນປີ 2012 ທີ່ຜ່ານມາ ກົມຄຸ້ມຄອງລະບົບຍຸຕິ

ທໍາໄດ້ໃຫ້ການຊ່ວຍເຫຼືອ ແລະໃຫ້ຄໍາປຶກສາໃນດ້ານກົດໝາຍ

ແບບບໍ່ຄິດຄ່າ ສໍາລັບແມ່ຍິງ ແລະເດັກນ້ອຍທີ່ໄດ້ຮັບຜົນກະທົບ

ຈາກບັນຫາຕ່າງໆ ທັງໃນສັງຄົມແລະພາຍໃນຄອບຄົວ ຈໍານວນ

ທັງໝົດ 1,897 ຄັ້ງ.

ສະຖິຕິດັງກ່າວນີ້ ໄດ້ເພີ່ມຂຶ້ນຈາກປີ 2011 ຄິດເປັນອັດຕາສະເລ່ຍ ເກີນກວ່າ 50% ກໍຄື
ມີຜູ້ຮ້ອງຂໍການຊ່ວຍເຫຼືອຈາກກົມຄຸ້ມຄອງລະບົບຍຸຕິທໍາ ຈໍານວນທັງໝດ 660 ຄົນ ຊຶ່ງ
ໃນນີ້ ລວມເຖິງເຍົາວະຊົນລາວເພດຍິງອາຍຸຕໍ່າກວ່າ 18 ປີ ດ້ວຍຈໍານວນເຖິງ 130 ຄົນທັງນີ້ ບັນຫາທີ່ບັນດາແມ່ຍິງ ແລະເດັກນ້ອຍເຫຼົ່ານີ້ ໄດ້ຮ້ອງຂໍ
ຄວາມຊ່ວຍເຫຼືອມາຍັງກົມຄຸ້ມຄອງລະບົບຍຸຕິທໍານັ້ນ ກໍມີທັງ
ບັນຫາທີ່ກ່ຽວກັບການຢ່າຮ້າງ ການຂັດແຍ້ງລະຫວ່າງສາມີ
ກັບພັນລະຍາ ກ່ຽວກັບສິນສົມສ້າງ ການຂັດແຍ້ງກ່ຽວກັບສິດ
ທິໃນການລ້ຽງດູລູກ ການກະທໍາອະນາຈານຕໍ່ເດັກນ້ອຍ ການ
ຮ່ວມເພດກັບເຍົາວະຊົນທີ່ອາຍຸຕໍ່າກວ່າ 18 ປີ ການຂົ່ມຂືນ ຫຼື ລ່ວງລະເມີດທາງເພດຕໍ່ເດັກນ້ອຍ ແລະບັນຫາອື່ນໆ ທີ່ກ່ຽວ
ຂ້ອງກັບການຄ້າດ້ານມະນຸດຂ້າມຊາດເປັນຕົ້ນ.

ແຕ່ຢ່າງໃດກໍຕາມ ເຈົ້າໜ້າທີ່ຂັ້ນສູງຂອງກົມຄຸ້ມຄອງລະບົບຍຸຕິທໍາ ກໍຍອມຮັບວ່າການ ດໍາເນີນມາດຕະການ ເພື່ອໃຫ້ການຊ່ວຍເຫຼືອຜູ້ທີ່ໄດ້ຮັບເຄາະ ຈາກບັນຫາເຫຼົ່ານີ້ ຍັງມີ ປະສິດທິພາບໃນລະດັບທີ່ຕໍ່າຫຼາຍ ໂດຍໃນປີທີ່ຜ່ານມາ ກໍສາມາດໃຫ້ການຊ່ວຍເຫຼືອແກ່ ຜູ້ຮ້ອງຂໍໄດ້ພຽງ 86 ລາຍເທົ່ານັ້ນ ຈາກການຮ້ອງຂໍຄວາມຊ່ວຍເຫຼືອທັງໝົດ 660 ຄົນ ນັ້ນ.

ທາງດ້ານເຈົ້າໜ້າທີ່ຂັ້ນສູງໃນກະຊວງສາທາລະນະສຸກ ກໍໄດ້ໃຫ້ການຢືນຢັນວ່າ ບັນຫາ ພາຍໃນຄອບຄົວ ຍັງຖືເປັນສາເຫດທີ່ສໍາຄັນປະການນຶ່ງ ທີ່ກໍ່ໃຫ້ເກີດເປັນບັນຫາດ້ານ
ສຸຂະພາບອີກດ້ວຍ ຕົວຢ່າງກໍຄືການຂົ່ມຂືນ ແລະການລ່ວງລະເມີດທາງເພດ ກໍຄືສາ ເຫດສໍາຄັນປະການນຶ່ງ ທີ່ນໍາໄປສູ່ບັນຫາການແຜ່ລະລາດຂອງໂຣກເອດສ໌ໄດ້ເຊັ່ນກັນ.

ຍິ່ງໄປກວ່ານັ້ນ ຈາກການສໍາຫຼວດດ້ວຍການສຸ່ມກວດເລືອດປະຊາຊົນລາວ ຜູ້ທີ່ສະມັກ
ໃຈ ໃນປີ 2012 ທີ່ຜ່ານມາ ກໍພົບວ່າມີປະຊາຊົນລາວທີ່ຕິດເຊື້ອ HIV ທັງໝົດ 5,260 ຄົນ ໂດຍໃນນີ້ ກໍມີຢູ່ເຖິງ 3,282 ຄົນ ທີ່ເປັນໂຣກເອດສ໌ ແລະໄດ້ເສຍຊີວິດໄປແລ້ວ 1,334 ຄົນ ແລະ 54% ໃນຈໍານວນທັງໝົດດັ່ງກ່າວ ກໍຄືປະຊາກອນເພດຍິງ ໂດຍສາເຫດທີ່ເຮັດ ໃຫ້ ແມ່ຍິງຕິດເຊື້ອຫຼາຍກວ່າຜູ້ຊາຍນັ້ນ ທ່ານບຸນກອງ ສີຫາວົງ ລັດຖະມົນຕີຊ່ວຍວ່າການ ກະຊວງສາທາລະນະສຸກ ກໍໄດ້ໃຫ້ການຊີ້ແຈງວ່າ:

“ພວກເຮົາຍັງມີສິ່ງທ້າທາຍຫຼາຍຢ່າງ ທີ່ອາດຈະເປັນສິ່ງເອື້ອອໍານວຍທີ່ຈະເຮັດ ໃຫ້ມີການລະບາດຂອງໂຣກເອດສ໌ ເຊັ່ນວ່າໂຄງການກໍ່ສ້າງໂຄງລ່າງ ການກໍ່ ສ້າງເຂື່ອນໄຟຟ້າ ສ້າງຖະໜົນຫົນທາງ ຫຼືວ່າການລົງທຶນຂອງຕ່າງປະເທດ ທີ່ວ່າ ເຮັດໃຫ້ເປັນແຫຼ່ງພາໃຫ້ເກີດຂຶ້ນ ການຂຸດຄົ້ນບໍ່ແຮ່ ບ້ານພັກ ຮ້ານບັນເທີງຕ່າງໆ ກໍເພີ່ມຂຶ້ນ ພ້ອມກັນນີ້ ຈໍານວນສາວບໍລິການກໍເພີ່ມຂຶ້ນ.”

ແຕ່ຢ່າງໃດກໍຕາມອັດຕາການຕິດເຊື້ອ HIV-AIDS ຂອງຄົນລາວໃນປັດຈຸບັນນີ້ ກໍຍັງຖື
ວ່າຢູ່ໃນລະດັບທີ່ຕໍ່າເມື່ອທຽບໃສ່ກັບປະເທດອື່ນໆໃນອາຊ່ຽນດ້ວຍກັນ ເພາະຈາກການ ສຸ່ມກວດເລືອດປະຊາຊົນທີ່ສະມັກໃຈຫຼາຍກວ່າ 2 ແສນຄົນ ໃນ 17 ແຂວງໃນທົ່ວປະ
ເທດ ນັບແຕ່ປີ 1990 ເປັນຕົ້ນມາ ກໍພົບວ່າ ມີຄົນລາວຕິດເຊື້ອ ຄິດເປັນອັດຕາສະເລ່ຍ
ພຽງ 1.6% ເທົ່ານັ້ນ

ສັງຄົມລາວ ທີ່ພັທນາໄວເກີນໄປ

ປະຊາຊົນລາວ ເປັນຫ່ວງແລະຢ້ານ ວ່າຖ້າສັງຄົມ ໃນລາວຫາກມີການພັດທະນາ ໄວເກີນໄປນັ້ນ ຈະສ້າງຜົນກະທົບ ໃນທາງລົບຕໍ່ປະເທດຊາດ ຢ່າງບໍ່ຕ້ອງສົງໄສ

ຊາວລາວ ຈາກນະຄອນ ຫຼວງວຽງຈັນ ຜູ້ໜື່ງ ໃຫ້ຂໍ້ສັງເກດວ່າ:ການພັດທະນາ ກ້າວໜ້າຂອງ ສປປລາວ ໃນລັກສະນະ ການຂະຫຍາຍຕົວ ທາງເສດຖະກິຈ ແລະທາງສັງຄົມ ແບບປະເທດ ຕາເວັນຕົກ ຫຼື ຕາມປະເທດເພື່ອນ ບ້ານນັ້ນ ອາດຈະສົ່ງ ຜົນກະທົບຕໍ່ການປ່ຽນແປງທາງດ້ານ ວັດທະນາທັມ ທີ່ບໍ່ເໝາະສົມ ກັບສັງຄົມລາວ ທີ່ມີກາດຍຶດ ຖືຮີດຄອງປະເພນີ ອັນດີງາມນັ້ນ ດັ່ງ ນາງ ແສງແກ້ວ ຄຳປັນຍາ ໄດ້ກ່າວວ່າ:

“ຄັນແມ່ນດີ ມັນກໍດີຢູ່ ແຕ່ວ່າພໍມັນ ດີແລ້ວ ບາດນີ້ ສັງຄົມມັນກໍຈະເຣີນ ໄວເກີນໄປກໍບໍ່ມັກແລະກໍ່ ຄັນຄວາມຈະເຣີນ ເຂົ້າມາຫລາຍໆແລ້ວ ມັນກໍບໍ່ມີ ດອກລາຍໄດ້ ເລື່ອງ ດ້ານການທ່ອງທ່ຽວ ດ້ານຫຍັງກໍສິ ຫຼຸດນ້ອຍຖອຍລົງ”

ນາງ ໃຫ້ທັດສະນະ ທີ່ເປັນຫ່ວງແລະ ຢ້ານວ່າ: ຖ້າສັງຄົມລາວ ຫາກຈະເຣີນ ເຕີບໂຕ ຢ່າງວ່ອງໄວເກີນໄປ ຈະເຮັດໃຫ້ສັງຄົມ ລາວ ທີ່ອາດມີການ ຫຼົງລືມຮາກຖານ ວັທະນາທັມອັນກົ່ແກ່ ຂອງຄົນຣຸ່ນພໍ່ແມ່ ເຄີຍມີແລະ ປະຕິບັດມາ ໂດຍສະເພາະ ເຍົາວະຊົນລູ່ນໃໝ່ ກໍອາດຈະນິຍົມ ຊົມຊອບ ເທັກໂນໂລຢີ ທີ່ທັນສະໄໝ ແລະນິຍົມ ວັດຖຸ ພາຍນອກ ຫລາຍກວ່າຄວາມດີ ງາມພາຍໃນ ຈີດໃຈ ດັ່ງທີ່ ນາງ ໄດ້ກ່າວເພີ່ມວ່າ:

“ຢາກໃຫ້ເປັນ ເໝືອນເດີມ ຫລາຍກວ່າ …ໂອ້ຍ…ຢາກໃຫ້ປະຊາຊົນ…ຢາກໃຫ້ເດັກນ້ອຍ ທີ່ເກີດໃໝ່ໃຫຍ່ ລຸນໄດ້ເຫັນວ່າ ພໍ່ແມ່ຕໍ່ສູ້ມາ ຂະໜາດໃດ?”

ນາງ ແສງແກ້ວ ໄດ້ກ່າວເນັ້ນວ່າ: ສັງຄົມລາວໃນ ປັຈຈຸບັນ ໂດຍສະເພາະ ໃນເຂດເມືອງໃຫຍ່ ໄດ້ຮັບອິທທິພົນ ຈາກ ປະເທດເພື່ອນບ້ານ ດັ່ງຈະ ເຫັນໄດ້ທົ່ວໄປ ໃນຕະຫຼາດເຊົ້າ ນະຄອນ ຫຼວງວຽງຈັນ ທີ່ມີຊາວລາວ ນິຍົມ ໄປຊື້ເຄື່ອງຂອງ ຕາມຫ້າງສັບພະສິນ ຄ້າຂະໜາດໃຫຍ່ ພ້ອມກັບມີ ລົດ ພາຫະນະແລ່ນ ສວານໄປມາ ຕາມ ຖະນົນຫົນທາງ ບໍ່ຂາດສາຍ ແມ່ນແຕ່ໃນຕົວ ເມືອງມໍລະດົກໂລກ ຫຼວງພຣະບາງ ກໍມີການ ປ່ຽນແປງ ຢ່າງໜ້າວິຕົກ ເຊັ່ນກັນ ໂດຍສະເພາະດ້ານ ວິຖີຊີວີດແບບ ພື້ນເມືອງ ຂອງລາວ ກໍກຳລັງຖືກ ຄອບງຳເຊັ່ນກັນ!

ເຍົາວະຊົນລາວ 1.4 ລ້ານຄົນ ມີຄວາມສ່ຽງສູງ ທີ່ຈະມົ່ວສຸມກັບຢາເສບຕິດ

ແກ້ງຂາຍຢາເສບຕິດ ທີ່ຖືກຈັບໃນເດືອນກໍລະກົດ 2012 ທີ່ຜ່ານມາ

ຜູ້ແທນອົງການຄວບຄຸມຢາເສບຕິດແລະອາດຊະຍາກໍາແຫ່ງສະຫະປະຊາຊາດ UNODC ສໍານັກງານປະຈໍາປະເທດລາວໄດ້ຖະແຫຼງລາຍງານການປະເມີນສະພາບການ ກ່ຽວກັບຢາເສບຕິດຢູ່ໃນລາວ ໃນປັດຈຸບັນນີ້ວ່າ ການຊົມໃຊ້ຢາເສບຕິດຢູ່ໃນລາວມີທ່າອຽງເພີ່ມຫຼາຍຂຶ້ນ ແລະມີລະດັບຄວາມຮຸນແຮງສູງຂຶ້ນນັບມື້ທັງ ໃນເຂດຕົວເມືອງ ແລະເຂດຊົນນະບົດອີກດ້ວຍ.ທັງນີ້ກໍເນື່ອງຈາກວ່າ ສະຖານະຂອງປະເທດລາວໃນປັດຈຸບັນບໍ່ພຽງແຕ່ຈະຍັງຄົງມີການລັກລອບປູກຝິ່ນເພີ່ມຂຶ້ນເທົ່ານັ້ນ ຫາກແຕ່ລາວຍັງຕົກເປັນທັງທາງຜ່ານຂອງການນຂົນສົ່ງຢາເສບຕິດໄປຍັງຕ່າງປະເທດ ແລະກາຍເປັນຕະຫຼາດຮອງຮັບຢາເສບຕິດຫຼາຍຂຶ້ນນັບມື້ອີກດ້ວຍ. ຍ້ອນສະພາບການດັ່ງກ່າວນີ້ ຈຶ່ງເຮັດໃຫ້ອົງການ UNODC ປະເມີນວ່າ ມີເຍົາວະຊົນລາວ ຫຼາຍກວ່າ 1.4 ລ້ານຄົນ ຫຼືເທົ່າກັບ 51% ຂອງເຍົາວະຊົນລາວທີ່ມີອາຍຸຕໍ່າກວ່າ 20 ປີນັ້ນ ໄດ້ຖືກຈັດໃຫ້ຢູ່ໃນໃນກຸ່ມປະຊາຊົນທີ່ມີຄວາມສຸ່ມສ່ຽງຢ່າງສູງທີ່ ຈະເຂົ້າໄປ ຫຍຸ້ງກ່ຽວກັບຢາເສບຕິດ.

ຊາວໜຸ່ມທີ່ຕິດຢາເສບຕິດຈໍານວນນຶ່ງຮັ້ບສຶກສາອົບຮົມທີ່ສູນ ຟື້ນຟູປິ່ນປົວຄົນຕິດຢາເສບຕິດກ່ອນຈະກັບຄືນບ້ານ

ຍິ່ງໄປກວ່ານັ້ນ ຜູ້ແທນຂອງ UNODC ປະຈໍາລາວ ຍັງໄດ້ເນັ້ນຢໍ້າອີກດ້ວຍວ່າ ການທີ່ມີເຍົາວະຊົນລາວຊົມໃຊ້ຢາເສບຕິດຫຼາຍຂຶ້ນ ກໍຍັງເປັນສາເຫດທີ່ສໍາຄັນທີ່ເຮັດໃຫ້ລາວຕ້ອງປະເຊີນກັບບັນຫາອາດ ຊະຍາກໍາຫຼາຍຂຶ້ນນັບມື້ດ້ວຍເຊັ່ນກັນ ທັງນີ້ກໍເນື່ອງຈາກວ່າເກີນກວ່າ 80% ຂອງການກໍ່ອາດຊະຍາກໍາໃນລາວນັ້ນຕ່າງກໍລ້ວນ ແຕ່ເກີດຈາກຜູ້ຕ້ອງຫາທີ່ຊົມໃຊ້ຢາເສບຕິດນັ້ນເອັງ.

ທາງດ້ານທ່ານ ກຸ ຈັນສີນາ ຮັກສາການປະທານຄະນະກໍາມະການກວດກາແລະ ຄວບຄຸມຢາເສບຕິດແຫ່ງຊາດລາວກໍຍອມຮັບວ່າສະພາບການດັ່ງກ່າວນີ້ໃນ ລາວມີ ລະດັບຄວາມຮຸນແຮງຫຼາຍຂຶ້ນ ຈຶ່ງມີຄວາມຈໍາເປັນຢ່າງຍິ່ງທີ່ຈະຕ້ອງດໍາເນີນມາດ ຕະການທັງໃນດ້ານການລົດການຊົມໃຊ້ຢາເສບຕິດ ແລະປາບປາມການຄ້າຢາເສບຕິດໃຫ້ມີປະສິດທິພາບສູງຂຶ້ນຢ່າງແທ້ຈິງ ດ້ວຍການເຝິກອົບລົມເພື່ອເພີ່ມລະດັບຄວາມຮູ້ຄວາມສາມາດໃຫ້ກັບ ພະນັກງານລັດຖະບານທີ່ມີຄວາມຮັບຜິດຊອບ ກ່ຽວກັບບັນຫາຢາເສບຕິດໂດຍກົງ ດັ່ງທີ່ທ່ານ ກຸ ໄດ້ໃຫ້ການຊີ້ແຈງວ່າ:

“ຢູ່ ສປປ.ລາວ ສະພາບການຊົມໃຊ້ ແລະການລັກລອບຄ້າຢາເສບຕິດປະເພດຕ່າງໆ ໄດ້ມີ ແນວໂນ້ມເພີ່ມຂຶ້ນ ເພື່ອແກ້ໄຂບັນຫາດັ່ງກ່າວ ພວກເຮົາຕ້ອງໄດ້ເພີ່ມທະວີຄວາມຮູ້ຄວາມສາມາດ ແລະຍົກລະດັບວິຊາສະເພາະຕ່າງໆໃຫ້ແກ່ເຈົ້າໜ້າທີ່ ທີ່ກ່ຽວຂ້ອງ ເພື່ອດໍາເນີນການກໍາຈັດສະກັດກັ້ນ ແລະຕ້ານການລັກລອບຄ້າຂາຍ ແລະລໍາລຽງຂົນສົ່ງຢາເສບຕິດຢ່າງເອົາຈິງເອົາຈັງ.”

ສະຫະລັດໄດ້ມອບເງິນຊ່ວຍເຫລືອແກ່ສູນຟື້ນຟູປິ່ນປົວຄົນຕິດຢາເສບຕິດທີ່ນະຄອນວຽງຈັນ

ກ່ອນໜ້ານີ້ ເຈົ້າໜ້າທີ່ຂັ້ນສູງໃນກະຊວງສຶກສາທິການ ແລະ ກິລາ ກໍໄດ້ໃຫ້ການຍອມຮັບວ່າ ບັນຫາອາດຊະຍາກໍາທີ່ເກີດຂຶ້ນໃນລາວໃນປັດຈຸບັນ ນອກຈາກຈະມີລະດັບຄວາມຮຸນແຮງຫຼາຍຂຶ້ນ ທັງຍັງເປັນອາດຊະຍາກໍາ ທີ່ມີຫຼາຍຮູບແບບ ແລະເກີດຂຶ້ນໃນທຸກວົງການແລ້ວ ກໍຍັງປາກົດວ່າມີເຍົາວະຊົນລາວ ທີ່ເປັນນັກຮຽນ-ນັກສຶກສາ ໄດ້ເຂົ້າໄປກ່ຽວຂ້ອງອາດຊະຍາກໍາຕ່າງໆ ເພີ່ມຫຼາຍຂຶ້ນອີກດ້ວຍ.

ສ່ວນສາເຫດທີ່ເຮັດໃຫ້ເຍົາວະຊົນລາວເຂົ້າໄປກ່ຽວຂ້ອງກັບການກໍ່ ອາດຊະຍາກໍາ ຫຼາຍຂຶ້ນນັ້ນ ກໍໄດ້ຮັບການຢືນຢັນຈາກເຈົ້າໜ້າທີ່ຂັ້ນສູງຂອງລາວວ່າເປັນຍ້ອນ ບັນຫາທາງເສດຖະກິດທີ່ສົ່ງຜົນກະທົບຕໍ່ເນື່ອງໄປເຖິງບັນຫາທາງ ສັງຄົມ ເຊັ່ນ ບັນຫາການຢ່າຮ້າງໃນຄອບຄົວ ທີ່ສົ່ງຜົນກະທົບຕໍ່ເນື່ອງເຖິງລູກຫຼານ ແລະກໍເປັນ ເງື່ອນໄຂທີ່ນໍາໄປສູ່ການຕັ້ງເປັນກຸ່ມແກ໊ງຂອງເຍົາວະຊົນທີ່ມີ ການມົ່ວສຸມເສບຢາ ແລະພາກັນກໍ່ອາດຊະຍາກໍາໃນທີ່ສຸດ.

ທັງນີ້ໂດຍທາງການລາວປະມານການວ່າໃນປັດຈຸບັນ ມີເຍົາວະຊົນລາວຫຼາຍກວ່າ 5 ໝື່ນຄົນທີ່ຊົມໃຊ້ຢາເສບຕິດປະເພດຢາບ້າ ສ່ວນປະຊາຊົນບັນດາເຜົ່າອີກຫຼາຍ ກວ່າ 14,000 ຄົນ ກໍຕິດຢາຝິ່ນກັບທັງຍັງມີທ່າອຽງທີ່ຈະເພີ່ມຈໍານວນຫຼາຍຂຶ້ນ ຢ່າງຕໍ່ເນື່ອງອີກດ້ວຍ.

ຂອບໃຈແຫຼ່ງຂໍ້ມູນຈາກ: http://lao.voanews.com/content/over-1-point-4-million-youth-are-considered-to-be-at-hight-risk-for-drug-abuse-in-laos/1513416.htmlhttp://lao.voanews.com/content/over-1-point-4-million-youth-are-considered-to-be-at-hight-risk-for-drug-abuse-in-laos/1513416.html

ການບິນລາວ ຈະຂະຫຍາຍ ຖ້ຽວບິນໄປຈີນ ເກົາຫຼີໃຕ້ ແລະຍີ່ປຸ່ນ

ພິທີຕ້ອນຮັບ ເຮືອບິນ Airbus 320A ຂອງສາຍການບິນລາວ ເມື່ອທ້າຍປີ 2011.

ການບິນລາວຈະຂະຫຍາຍຖ້ຽວບິນລະຫວ່າງປະເທດໄປເມືອງກວາງໂຈວຂອງຈີນແລະກຸງໂຊລກັບເມືອງປູຊານຂອງເກົາຫຼີໃຕ້ທັງຍັງຈະຂະຫຍາຍຖ້ຽວບິນໄປກຸງໂຕກ່ຽວຂອງຍີ່ປຸ່ນອີກດ້ວຍ.ທ່ານສະເຫຼີມ ໄຕຍະລາດ ຫົວໜ້າຝ່າຍຂາຍແລະການຕະຫຼາດຂອງລັດວິສາຫະກິດການບິນລາວ ໃຫ້ການຢືນຢັນວ່າ ລັດວິສາຫະກິດການບິນລາວມີແຜນການ ທີ່ຈະຂະຫຍາຍເສັ້ນທາງການບິນຈາກນະຄອນວຽງຈັນໄປເມືອງກວາງໂຈວຂອງຈີນ ແລະກຸງໂຊລກັບເມືອງປູຊານຂອງເກົາຫຼີໃຕ້ໃນໝໍ່ໆນີ້ ໂດຍເປັນສ່ວນນຶ່ງໃນແຜນການຂະຫຍາຍຖ້ຽວບິນລະຫວ່າງປະເທດຂອງສາຍການບິນລາວໃຫ້ຫຼາຍຂຶ້ນ ດ້ວຍການນໍາໃຊ້ເຮືອບິນ Airbus-320A ທີ່ສັ່ງຊື້ແລະໄດ້ຮັບການສົ່ງມອບຈາກບໍລິ ສັດ Airbus ແຫ່ງປະເທດຝຣັ່ງຢ່າງເປັນທາງການລາວນັບຕັ້ງແຕ່ທ້າຍປີ 2011 ເປັນຕົ້ນມາ.

ທັງນີ້ໂດຍຖ້າຫາກວ່າການດໍາເນີນງານເປັນໄປຕາມແຜນການທີ່ວາງໄວ້ ກໍໝາຍ ຄວາມວ່າຖ້ຽວບິນຈາກນະຄອນວຽງຈັນໄປເມືອງກວາງໂຈວນັ້ນ ຈະສາມາດເລີ່ມ ທໍາການບິນໄດ້ພາຍໃນເດືອນພະຈິກ ແລະກໍຈະຕິດຕາມດ້ວຍຖ້ຽວບິນຈາກນະ ຄອນວຽງຈັນໄປກຸງໂຊລ ແລະເມືອງປູຊານໃນເດືອນທັນວາປີນີ້.

ຍິ່ງໄປກວ່ານັ້ນ ເພື່ອເປັນການສົ່ງເສີມແລະອໍານວຍຄວາມສະດວກໃຫ້ນັກທ່ອງທ່ຽວຊາວ ຕ່າງຊາດເດີນທາງເຂົ້າມາທ່ອງທ່ຽວໃນລາວຫຼາຍຂຶ້ນດ້ວຍນັ້ນ ສາຍການ ບິນລາວກໍຍັງມີແຜນການທີ່ຈະຂະຫຍາຍຖ້ຽວບິນໄປຍັງກຸງໂຕກຽວຂອງ ຍີ່ປຸ່ນອີກ ດ້ວຍ ສ່ວນຈະມີການເປີດຖ້ຽວບິນຕາມເສັ້ນທາງດັ່ງກ່າວນີ້ໄດ້ເມື່ອໃດແລະ ຈະເປັນ ການບິນໃນຮູບແບບໃດນັ້ນ ກໍຂຶ້ນຢູ່ກັບຜົນການສຶກສາຄວາມເປັນໄປໄດ້ເປັນສໍາຄັນ ດັ່ງທີ່ທ່ານສະເຫຼີມໄດ້ໃຫ້ການຊີ້ແຈງວ່າ:

ທ່ານສະເຫຼີມ ໄຕຍະລາດ

“ປັດຈຸບັນນີ້ ເຮົາມີແຜນການທີ່ຈະບິນໄປກວາງໂຈວແລະກະບິນໄປໂຊລໄປເກົາຫຼີໃຕ້ກະມີແຜນຢູ່ ແລະພວກເຮົາກະກໍາລັງສຶກສາຄວາມເປັນໄປໄດ້ຢູ່ ເພາະວ່າທີມງານພວກເຮົາກໍາລັງສຶກສາຄວາມເປັນໄປໄດ້ວ່າເຮົາຈະບິນເຂົ້າໄປຊ່ວງໃດ ປະຕິບັດການບິນແບບເຊົ່າເໝົາ ຫຼືສິເອົາແບບປົກກະຕິອັນນີ້ພວກເຮົາຕ້ອງເບິ່ງເພາະວ່າພວກເຮົາກໍຕ້ອງດໍານຶງເຖິງປະສິດທິຜົນໃນການດໍາເນີນທຸລະກິດ.”

ກ່ອນໜ້ານີ້ ທ່ານສົມພອນ ດວງດາລາ ຜູ້ອໍານວຍການລັດວິສາຫະກິດການບິນລາວໄດ້ຖະ ແຫຼງຢືນຢັນວ່າ ການດໍາເນີນທຸລະກິດຂອງລັດວິສາຫະກິດການບິນ ລາວໄດ້ມີການຂະ ຫຍາຍຕົວເພີ່ມຂຶ້ນຢ່າງຕໍ່ເນື່ອງ ຊຶ່ງຈະເຫັນໄດ້ຈາກຜົນປະກອບ ການໃນປີ 2011 ລັດວິສາຫະກິດການບິນລາວກໍສາມາດສ້າງລາຍຮັບໄດ້ຫຼາຍກວ່າ 500 ຕື້ກີບ ຫຼືເພີ່ມຂຶ້ນຈາກປີ 2010 ຄິດເປັນອັດຕາສະເລ່ຍເກືອບ 20% ຈຶ່ງເຮັດໃຫ້ເຊື່ອວ່າໃນປີ 2012 ນີ້ ສາຍການບິນລາວຈະສາມາດສ້າງລາຍຮັບໄດ້ ໃນມູນຄ່າລວມບໍ່ເກີນກວ່າ 650 ຕື້ກີບຢ່າງແນ່ນອນ.

ຄະນະບໍລິຫານງານຂອງການບິນລາວ ທີ່ໄດ້ຮັບລາງວັນດີເດັ່ນຈາກສະຖາບັນ ການບິນພົນລະເຮືອນນາໆ ຊາດ

ທັງນີ້ໂດຍການດໍາເນີນທຸລະກິດຂອງລັດວິສາຫະກິດການບິນລາວ ທີ່ມີການຂະຫຍາຍຕົວແລະມີຜົນກໍາໄລເພີ່ມຂຶ້ນຢ່າງຕໍ່ເນື່ອງດັ່ງກ່າວ ກໍຍັງເປັນຜົນເຮັດໃຫ້ ໄດ້ຮັບລາງວັນດີເດັ່ນຈາກສະຖາບັນການບິນພົນລະເຮືອນນານາຊາດທັງໃນສະຫະລັດເຢຍຣະມັນ ອັງກິດ ແລະຝຣັ່ງມາແລ້ວຫຼາຍຄັ້ງນັບແຕ່ປີ 2006 ເປັນຕົ້ນມາ.

ຍິ່ງໄປກວ່ານັ້ນ ການທີ່ມີຜູ້ໂດຍສານທັງພາຍໃນ ແລະຕ່າງປະເທດໄດ້ພາກັນໃຊ້ບໍລິການຂອງສາຍການບິນລາວເພີ່ມຂຶ້ນທຸກໆປີ ກໍຄືຈາກ 5 ແສນກວ່າຄົນໃນປີ 2001 ເປັນຫຼາຍກວ່າ 9 ແສນຄົນໃນປີ 2012 ນີ້ກໍຍັງເຮັດໃຫ້ລັດວິສາຫະກິດການບິນລາວໄດ້ວາງເປົ້າໝາຍທີ່ຈະ ໃຊ້ເງິນທຶນເຖິງ 200 ລ້ານ ໂດລາ ສໍາລັບຈັດຊື້ເຮືອບິນຂະໜາດ 150-200 ບ່ອນນັ່ງເພີ່ມຂຶ້ນອີກ 4 ລໍາ ເປັນຢ່າງໜ້ອຍ ພາຍໃນປີ 2015 ອີກດ້ວຍ.

ສ່ວນເຮືອບິນ Airbus–320A ທັງສອງລໍາດັ່ງກ່າວ ລັດວິສາຫະກິດການບິນລາວ ໄດ້ສັ່ງຊື້ມາໃນລາຄາລວມກັນເຖິງ 91 ລ້ານໂດລາ ໂດຍໄດ້ຮັບການສະໜັບສະໜຸນເງິນກູ້ຈາກທະ
ນາຄານແຫ່ງຊາດລາວກັບທະນາຄານການຄ້າຕ່າງປະເທດຂອງ ລັດຖະບານລາວໃນມູນຄ່າ 20 ລ້ານໂດລາ ແລະ 70 ລ້ານໂດລາມຕາມລໍາດັບ ແລະສໍາລັບເງິນທຶນທີ່ຈະນໍາໃຊ້ໃນການຈັດຊື້ເຮືອບິນຂະໜາດໃຫຍ່ ເພີ່ມຂຶ້ນອີກ 4 ລໍາ ພາຍໃນປີ 2015 ຊຶ່ງຈະມີມູນຄ່າເຖິງ 200 ລ້ານໂດລານັ້ນ ກໍຄາດໝາຍວ່າ ຈະກູ້ຢືມຈາກທະນາຄານຂອງລັດຖະບານຈີນເປັນດ້ານຫຼັກ.

ຂອບໃຈແຫຼ່ງຂໍ້ມູນຈາກ: http://lao.voanews.com/content/laos-airlines-to-expand-its-international-flights-to-china-korea-and-japan/1519572.htmlhttp://lao.voanews.com/content/laos-airlines-to-expand-its-international-flights-to-china-korea-and-japan/1519572.html

หน้าเว็บ